பதிவு செய்த நாள்
13
ஏப்
2019
13:42
தமிழ் புத்தாண்டு (விகாரி வருடம்) ஏப்ரல் 14ம் தேதி கடக ராசி ஆயில்யம் நட்சத்திரத்தில் பிறக்கிறது. உங்கள் நட்சத்திரத்திற்கான பலன் ..
மகம்: பண விஷயத்தில் சற்று சிக்கல் ஏற்படலாம். சமாளிக்க கடன் வாங்குவதை தவிர்க்கவும். பணத்திற்காக தவறான வழியை தேர்ந்தெடுத்தால் பிரச்னையில் சிக்கக் கூடும். காதல் விவகாரம் மகிழ்ச்சிகரமாக அமையும். 2019 அக்டோபர் முதல் சண்டை, சச்சரவை தவிர்க்கவும். சொந்த வாழ்வில் சிறப்பான அனுகூலம் உண்டு. கல்வி, வேலைவாய்ப்பில் முன்னேற்றம் காண்பீ்ர்கள்.
பூரம்: உறவினருடன் இணக்கமான சூழ்நிலை அமையும். தந்தைவழி உறவினரிடம் பகை தீரும். பணவிஷயத்தில் கவனம் தேவை. மற்றவர் மீதுள்ள கண்மூடித்தனமான நம்பிக்கையால் நஷ்டம் ஏற்படலாம். 2019 அக்டோபர் முதல் அலுவலக விஷயத்தில் கவனமாக செயல்படவும். புதிய பதவி, பட்டங்கள் தேடி வரும். விரும்பிய இடத்துக்கு பணிமாற்றம் கிடைக்கும்.
உத்திரம்1ம் பாதம்: பணியாளர்களுக்கு பணிச்சுமை அதிகரித்தாலும் சம்பளம் உயரும். சிலர் வேற்று மதத்தை சேர்ந்தவர் மேல் காதல் கொள்ள வாய்ப்புண்டு. எதையும் யோசித்து செய்யுங்கள். தீய பழக்கத்தால் உடல்நலம் பாதிக்கலாம். எப்போதும் துாய பழக்கங்களில் ஈடுபடுங்கள். 2019 அக்டோபர் முதல் வீடு, வாகனம் வாங்குவீர்கள். வாழ்க்கைத் துணைவரால் நன்மை காண்பீர்கள்.